Banorë të fshatit Dubovc të Vushtrrisë janë ankuar në redaksinë e Veriu.info, duke thënë se shtyllat e energjisë elektike që janë të vendosura në fshatin e tyre janë në gjendje të keqe.
Ata kanë dërguar edhe fotografi, ku shihet se si këto shtylla të energjisë elektrike janë të vjetra dhe nga druri, gjë që po u shkakton frikë banorëve për ndonjë fatkeqësi.
“Telat e energjisë elektrike po paraqesin rrezik për këmbësorët, makinat e sidomos për fëmijët që shkojnë në shkollë. KEDS-i nuk po merret me këtë çështje, edhe pse i kemi njoftuar për rrezikun”, ka thënë një banorë i Dubovcit për Veriu.info.
Ai ka treguar se para 1 viti për shkak të gjendjes së keqe të rrjetit të energjisë elektrike, aty kanë ngordhur disa dele./Veriu.info
