Kryeministri në detyrë, Albin Kurti, ka njoftuar se dy ndërtesa sociale në Plemetin të Obiliqit, të ndërtuara në vitet 2006 dhe 2008, po rinovohen me masa të efiçiencës së energjisë.
Projekti do të përfshijë 59 banesa për 59 familje, nga të cilat 15 janë me kryefamiljare gra.
Kurti thotë se, investimi për rinovimin e këtyre ndërtesave është afër 500 mijë euro, pjesë e një programi më të gjerë që përfshin rinovimin e 28 ndërtesave sociale në gjithë Kosovën, me një vlerë totale prej mbi 6 milionë euro. Ky projekt është bashkëfinancuar nga Qeveria e Kosovës dhe Bashkimi Evropian, me një kontribut 10% nga komunat përkatëse.
Kurti theksoi se ky projekt synon t’i ndihmojë komunitetet më të nevojshme dhe të kontribuojë në zhvillimin social, ekonomik dhe mjedisor, duke promovuar barazinë për të gjithë.
