Gazetari Lirim Mehmetaj ka reaguar me tone të ashpra pas arrestimit të Shemsi Bahtirit, i dyshuar si udhëheqës i një rrjeti të trafikut të heroinës në Kosovë. Në një postim të bërë publik, Mehmetaj ka kritikuar heshtjen e Lëvizjes Vetëvendosje, të cilës Bahtiri thuhet se i përkiste si anëtar dhe militant.
“Saranda Bogujevci, që dikur thoshte se i pengon të thithë ajër Ilir Mirena, sot nuk e ka asnjë fjalë për të thënë për Shemsi Bahtirin”, shkruan Mehmetaj, duke akuzuar deputeten dhe partinë në pushtet për standarde të dyfishta dhe mbrojtje të të dyshuarit për udhëheqje të kartelit të heroinës.
Sipas tij, pas rasteve të tjera të zyrtarëve apo përkrahësve të VV-së që janë përfshirë në skandale, përfshirë edhe ato të natyrës kriminale, rasti Bahtiri është vetëm vazhdimësi. Ai përmend edhe emra si Nagip Krasniqi dhe një tjetër i identifikuar si Mujeci, duke ironizuar qëndrimet publike të Lëvizjes Vetëvendosje.
Postimi i Lirim Mehmetaj:
Vetëvendosja solidarizohet me kolegun Shemsi Bahtiri, kapo i kartelit të heroinës në Kosovë…
Dje u arrestua Shemsi Bahtiri, kapo i kartelit të heroinës në Kosovë. 600 policë morën pjesë në operacion.
Bahtiri doli të jetë anëtar i Vetëvendosjes dhe militant i shquar.
Siç mund ta keni parë, duke filluar nga Albin Kurti e poshtë, askush në Vetëvendosje nuk ka nxjerr llaf nga goja për Bahtirin.
Qe për shembull, zonja deputete Saranda Bogujevci, flet se si i pengon të thithë ajër Ilir Mirena, po për Bahtirin s’ka gjë të keqe për të thënë.
Respekt tybe.
Pas mbrojtjes që ia bën Nagip Krasniqit që masturbonte në dokumente të shtetit, atij Mujecit që çojke narkotikë në Shqipëri me autobus, tashmë i bëhen mburojë edhe Bahtir Heroinës.
Mos u dorëzoni. Vazhdoni në mbroje të krimit.
