Këshilli i Përgjithshëm i Aleancës për Ardhmërinë e Kosovës ka miratuar sot njëzëri listën e kandidatëve për zgjedhjet komunale të tetorit.
Kryetari i AAK-së, Ramush Haradinaj, ka bërë të ditur se kandidatët janë përzgjedhur me mbështetje unanime nga anëtarët e këshillit, shkruan Insajderi.
Sipas listës së publikuar, AAK do të garojë në disa prej komunave kryesore të vendit me këta kandidatë:
Gjakovë – Ardian Gjini
Pejë – Ali Berisha
Suharekë – Bali Muharremaj
Rahovec – Smajl Latifi
Klinë – Zenun Elezaj
Deçan – Bashkim Ramosaj
Prishtinë – Bekë Berisha
Artanë – Ajet Avdyli
Haradinaj theksoi se Aleanca po hyn në këtë proces zgjedhor me kandidatë të dëshmuar dhe me vizion të qartë zhvillimor për komunat që synon t’i udhëheqë.
“Gjatë ditëve në vijim, degët e Aleancës në komuna të tjera do të dalin me propozimet e tyre për kandidatë, duke përmbyllur kështu hartën zgjedhore të Aleancës në të gjithë vendin”, shkroi ai.
