Banorët e fshatit Mushtisht të Suharekës janë shqetësuar sërish pas paraqitjes së një ariu me dy këlyshë në afërsi të shtëpive të tyre.
Në një video të siguruar nga banorët, ariu shihet duke kaluar rrugën dhe për një moment ndalet përpara një veture.
Kjo nuk është hera e parë që ariu shfaqet në këtë zonë. Banorët thonë se janë të frikësuar dhe kërkojnë ndërhyrjen e institucioneve për ta larguar kafshën e egër nga zona e banuar.
