Sekretari amerikan i Shtetit, Marco Rubio ka deklaruar se Izraeli mori veprime të njëanshme kundër Iranit dhe se e kishte këshilluar SHBA-në se besonte që sulmet ajrore ishin të nevojshme për vetëmbrojtje.
“Nuk jemi të përfshirë në sulmet kundër Iranit dhe prioriteti ynë kryesor është të mbrojmë forcat amerikane në rajon”, ka thënë Rubio në një deklaratë të publikuar nga Shtëpia e Bardhë.
Rubio ka deklaruar se administrata e Trumpit ka marrë hapat e nevojshëm për të mbrojtur forcat e veta dhe se mbetet në kontakt me partnerët në rajon.
Ai gjithashtu ka thënë se ia ka tërhequr vërejtjen Iranit se nuk duhet të ketë cak interesat amerikane apo personelin.
