Policia e Kosovës ka kërkuar bashkëpunim nga qytetarët për identifikim e një personi të dyshuar për vrasje në tentativë.
Sipas të dhënave që ka publikuar PK, bëhet fjalë për Debatik Delijaj nga fshati Bardhaniq i Gjakovës.
Më poshtë njoftimi i plotë:
Kërkesë për bashkëpunim
Policia e Kosovës, Drejtoria Rajonale e Policisë në Gjakovë, bazuar në autorizimin e Prokurorisë Themelore në Gjakovë për publikimin e fotografisë të personit të dyshuar në rast, me qëllim lokalizimin e tij, lëshon kërkesë për bashkëpunim me qytetarët.
Personi i dyshuar është:
Debatik (Nak) Delijaj i lindur me 27.10.1987, i identifikuar me numër personal 1173112579, banues në fshatin Bardhaniq-Gjakovë.
Lidhur me rastin ”Vrasje ne Tentativë” pranë Sektorit Rajonal të Hetimeve në Drejtorinë Rajonale të Policisë-Gjakovë janë duke u zhvilluar hetime intensive ku gjatë veprimeve hetimore është identifikuar i dyshuari i lartcekur i cili me veprimet e kundërligjshme ka kryer veprën penale “Vrasje ne Tentative” dhe me pas është larguar ne drejtim te panjohur.
Në lidhje me rastin nuk është arritur të sigurohet prezenca e personit në fjalë edhe përkundër angazhimeve të shumta hetimore dhe operative nga ana e Sektorit Rajonal për Hetime dhe njësiteve tjera në kuadër të Drejtorisë Rajonale të Policisë-Gjakovë.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar të paraqitur në fotografinë e bashkangjitur, të lajmërojnë Policinë e Kosovës apo stacioni më të afërt policor.
I dyshuari në fjalë i cili është në kërkim nga ana e Policisë se Kosovës:
