Kryesuesi i seancës konstutuive Avni Dehari i ka ftuar për konsulta përfaqësuesit e partive politike para vazhdimit të seancës të premten, një ditë pas shpalljes së aktgjykimit të Gjykatës Kushtetuese.
Dehari, në fjalën hyrëse të vazhdimit të seancës konstituive të premten, tha se është e nevojshme një konsult mes partive politike për shkak të aktgjykimit të Kushtetueses.
“Para se të fillojmë me seancën, për shkak të aktvendimit të Gjykatës Kushtetuese që ka sjellur dje, e shoh të nevojshme që përfaqësuesit e partive të mbledhemi në sallën N10 për një konsultim paraprak”, tha ai.
Gjykata Kushtetuese vendosi se deputetët janë të obliguar që jo më vonë se 30 ditë të përfundojnë seancën konstituive të Kuvendit, duke zgjedhur kryetarin dhe nënkryetarët.
Gjykata nuk ka vendosur për ligjshmërinë e refuzimit të votimit të fshehtë.
Ndërsa, kryetari i Lëvizjes Vetëvendosje, Albin Kurti, njoftoi sot se i ka thirrur të gjithë liderët e partive parlamentare në një takim për të gjetur marrëveshje për konstituimin e Kuvendit të Kosovës.
Takimi është ftuar për të shtunën në orën 16:00.
