Shërbimi Korrektues i Kosovës ka njoftuar se e kanë pezulluar një zyrtar nga puna, nën dyshimet se ka shtënë me armë me gaz gjatë ushtrimit të detyrës zyrtare. Ndërkohë procedurë është inicuar edhe ndaj 12 zyrtarëve të tjerë, si të dyshuar që kanë shtënë me armë gjatë një ahengu privat.
E plotë:
Njoftim nga Shërbimi Korrektues i Kosovës
Sot, Shërbimi Korrektues i Kosovës ka pezulluar nga detyra një zyrtar korrektues, i cili dyshohet se ka shtënë me armë gaz gjatë ushtrimit të detyrës zyrtare. Lidhur me këtë rast, janë ndërmarrë veprimet përkatëse dhe rasti është proceduar në Policinë e Kosovës për trajtim të mëtutjeshëm.
Po ashtu, janë iniciuar procedura disiplinore ndaj 12 zyrtarëve të tjerë korrektues, të cilët dyshohen se ditë më parë kanë shtënë me armë gjatë një ahengu privat. Për këtë rast, jemi në pritje të raportit të Prokurorisë, dhe në përputhje me të, do të ndërmerren masat e nevojshme nga ana jonë.
Shërbimi Korrektues i Kosovës mbetet i përkushtuar ndaj respektimit të ligjit, ruajtjes së integritetit institucional dhe garantimit të standardeve më të larta profesionale në përmbushje të misionit të saj.
