pari i Lidhjes Demokratike të Kosovës, Lumir Abdixhiku, është deklaruar pas takimit me presidenten Vjosa Osmani, duke thënë se tanimë kompromiset janë të pakuptimta, pasi që tani duhet të zbatohet aktvendimi i Gjykatës Kushtetuese.
Ai ka deklaruar edhe se nëse nuk zbatohet ky aktgjykim, atëherë bëhen shkelje të rënda ligjore.
Po ashtu, ai ka deklaruar se LDK do t’i drejtohet Kushtetueses, pasi që sipas bindjes së tyre, ka ndodhur një përmbysje e rëndit kushtetuese, sepse VV-ja refuzuar të respektojë Gjykatën Kushtetuese.
‘‘Këto janë qëndrime paraprake që e kanë shkaktuar krizën, s’janë kompromise. Pra nuk ka lëvizje prej pozicioneve që e kanë shkaktuar krizën deri më tani. Edhe atë ditë në takim, edhe sot para jush, po e them të njëjtën gjë, nuk mund ta quash kompromis insistimin në propozimin tënd paraprak., Kompromisi pas aktvendimit të Kushtetueses është i pakuptimit, tani duhet të zbatojmë aktgjykimin e Gjykatës Kushtetuese, përndryshe bëjmë shkelje të rënda ligjore. Dhe natyrisht LDK do t’i drejtohet edhe Kushtetueses në mënyre që ajo të qartësojë aktin e tanishëm. Pas aktgjykimit për bindjen tonë ka ndodhur një përmbysje e rendit kushtetues sepse partia e parë ka refuzuar të respektojë Gjykatën Kushtetuese’’, ka thënë ai. /GazetaExpress
