Kryetari i Aleancës për Ardhmërinë e Kosovës, Ramush Haradinaj, ka deklaruar se kryetari i Lëvizjes Vetëvendosje, Albin Kurti, duhet të lëshojë rrugë për të lejuar formimin e institucioneve të reja.
Ai ka theksuar se Kurti po e përkeqëson më tej situatën në vend me moskonstituimin e institucioneve.
“Nëse nuk i ka 61 vota, le të lëshojë rrugë. Mund të japin sa të duan emra, por po shihet që ai e ka nda mendjen ta bëjë keq e më keq për Kosovën”, ka thënë Haradinaj, duke theksuar se qëndrimi i Kurtit po ndikon negativisht në proceset shtetërore.
