Gjatë një debati parlamentar, kancelari gjerman Friedrich Merz ka deklaruar se pavarësisht presioneve politike, Gjermania do të vazhdojë të mbështesë Ukrainën.
Sipas The Guardian, në një fjalim të mbajtur në Bundestag, Merz u zotua se mbështetja për Ukrainën do të vijojë “edhe përballë presionit të së majtës politike dhe të së djathtës pro-ruse në këtë sallë”, duke iu referuar polarizimit të rritur brenda parlamentit gjerman.
Ndërsa, bëhet e ditur se duke iu drejtuar Kremlinit, Merz paralajmëroi se “mjetet e diplomacisë janë tashmë të ezauruara”, dhe ka shtuar se:
“Kur një regjim kriminal vë në pikëpyetje me forcë ushtarake të drejtën për ekzistencë të një vendi tjetër, dhe synon të shkatërrojë rendin politik të lirisë në të gjithë kontinentin europian, qeveria federale që unë udhëheq do të bëjë gjithçka që është në fuqinë e saj për ta parandaluar këtë.”
Raportohet se Merz poashtu ka theksuar se ushtria gjermane – Bundesëehr – “duhet të pajiset sa më shpejt me gjithçka që i nevojitet për të mbrojtur Gjermaninë”, dhe ka njoftuar planin për të përshpejtuar legjislacionin dhe procedurat e prokurimeve ushtarake.
