Deputeti i Kuvendit të Kosovës, Bekim Haxhiu, ka publikuar fjalimin e plotë të cilin kishte planifikuar ta mbante në Kuvend por që nuk arriti pasi udhëheqësja e seancës mbylli para kohe deklarimet jashtë rendit të ditës, raporton Gazeta Online Veriu.info.
Haxhiu ka kritikuar qeverinë Kurti për siç thotë ai, shndërrimin e sistemit shëndetësor në kaos, keqmenaxhim dhe keqpërdorim.
Deputeti ka përmendur një varg prishjesh të aparaturave në QKUK që po detyrojnë pacientët ose të presin me vite ose të kërkojnë shërbime shëndetësore jashtë vendit.
Fjale e plotë e deputetit Haxhiu:
Diskutimi im i përgaditur për sot, në deklarimet jashtë rendit të ditës, e të cilin nuk pata rastin ta lexoj sepse udhëheqesja e seancës i mbylli parakohe diskutimet:
Të nderuar deputetë,
Fillimisht me lejoni të shprehi ngushëllimet e mia më të sinqerta për vdekjen e Dr. Mentor Salihut dhe vozitësit të ndihmës se shpejt, Skofiar Gjini, të cilët humbën jetën gjatë kryerjes së detyrës së shenjtë e humane në shpëtim të jetës së qytetarëve.
Të nderuar qytetarë,
Gjendja në shëndetësinë tonë është shndërruar në kaos, keqmenaxhim dhe keqpërdorime në të gjitha nivelet.
Emrime politike të drejtorëve të klinikave per intersa individuale dhe grupore, por edhe të paaftë.
Dhe sigurisht koston e kësaj paaftësie dhe keqmenaxhim po e paguajn pacientët.
Tashmë u bënë 7 muaj që njëri nga aparatët e koronografisë është prishur. Qysh para 4 muajve e kam ngritur këtë shqetësim, por as edhe një përpjekje minimale për ta rregulluar këtë problem.
Ndërsa lista e pritjes se pacientëve nga zero ditë sa ishte në vitin 2019 tani është mbi 1600 pacientë, mbi 1 vit e gjysmë pritje.
Tani se fundi është prishur edhe aparati për radioterapi dhe pacientët duhet të shkojnë në vendet fqinje e të presin në radhë nga 3-4 muaj për terpi. Ndërkaq mungesa e barnave tani është shëndrruar në normalitet për këtë menaxhment.
Pacientet po detyrohen që zgjidhjen e problemeve të tyre shëndetësore ta kerkojnë në sektorin privat apo jashtë vendi dhe kjo sigurisht ka kosto të lartë për ta në këtë kohë krize.
Pas 1 vit e gjysmë të Qeverisë Kurti, shëndetësia jo që nuk është prioritet, por kurrë ma keq nuk ka qenë.
Keqmenaxhim, keqpërdorime, mos kujdes ndaj pacientëve , injorim i personelit shëndetësor dhe mbështetës të cilët jane lënë pasdore pa asnjë përkrahje nga Qeveria.
Prandaj, për një muaj janë organizuar tri protesta të personelit shëndetësor për mos pagesa dhe shkelje të të drejtave të tyre.
Qeveria ka buxhet të keqperdorë 16 milionë euro në mirëmbajtje të autostradave, por nuk ka buxhet t’i paguaj pagat për 1200 profesionistë shëndetësorë të cilëve ua nderpreu kontratat e punës. Nuk ka buxhet t’i paguaj specializantët, mjekët kujdestarë…
Qeveriaia ndali shtesat mjekëve dhe u ofroi një lëmosh 60 euro sepse logjika e kesja Qeverie nuk është zhvillimi, nuk është avansimi, nuk është përmirësimi i gjendjes.
Nuk po flas kot, të gjitha këto tregojnë më së miri se Qeveria nuk e ka prioritet shëndetësinë me emrimin e fundit të Bordit të Fondit të Sigurimeve Shëndetësore.
Një bord jo funksional emrohet tek pas një viti e gjysmë.
Emrimi në Bordin e Fondit të Sigurimeve shëndetësore i personave që kanë shkatuar katrahurë në SHSKUK dhe kanë rritur listat e pritjes së pacientëve është mesazh i qartë se sa ma keq të punosh, sa ma shumë të keqperdorësh në këtë Qeveri, aq ma lartë do të avancohesh.
Nuk ka shpresë për rritjen e pagave në shëndetësi dhe në asnjë sektorë ndonëse kriza ekonomike i ka përfshirë të gjithë.
Ligji i pagave mbetët një nga premtimet e harruara të Qeverisë Kurti.
Derisa nuk ka asnjë mbështetje për profesionistët shëndetësorë QEVERIA ka vendosur t’i kryqëzoj edhe më shumë mjekët duke i obliguar që ta deklarojnë pasurinë.
Pyes ministrin e Shëndetësisë:
A e din a e deklarojnë pasurinë mjekët ne Amerikë dhe cili ishte angazhimi i tij për ta parandaluar edhe goditjen e fundit të rrënimit të sistemit publik shëndetësor nga Qeveria Kurti?!
