Ish deputeti i PDK-së, Bekim Haxhiu ka reaguar pas 50-të dështimeve për konstituimin e Kuvendit të Kosovës, transmeton Gazeta Online Veriu.Info.
Haxhiu ka akuzuar Lëvizjen Vetëvendosje për manipulim, bllokadë dhe shkelje të Kushtetutës në përpjekje për të mbajtur pushtetin me çdo kusht, duke e cilësuar situatën si një “grusht shteti institucional”.
Postimi i plotë:
50 Seanca, 50 dështime të Kurtit dhe Vetëvendosjes, 0 përgjegjësi!
Kosova po kalon një krizë të thellë institucionale, politike dhe morale.
50 përpjekje të dështuara për konstituimin e Kuvendit dhe zgjedhjen e Kryetares së Kuvendit nuk janë vetëm një numër, janë pasqyrë e qartë e paaftësisë, arrogancës dhe mungesës së vullnetit demokratik nga Vetëvendosje.
Partia që premtonte “Drejtësi dhe Barazi”, sot është simbol i bllokadës, manipulimit dhe hipokrizisë politike.
Nuk i kanë votat për të zgjedhur Kryetaren që vetë e propozuan.
Kërkojnë votim të fshehtë në kundërshtim me Aktgjykimin e Gjykates Kushtetuese, duke synuar fshehtas votat e Listes Serbe.
Shkelin ligjin dhe Kushtetutën me deputetë që votojnë në Kuvend e qeverisin njëkohësisht.
E gjitha kjo për të mbajtur pushtetin me çdo kusht dhe për të ikur nga përgjegjësia për aferat korruptive.
Nuk është më krizë politike. Është një grusht shtet institucional, tani i konfirmuar edhe nga Gjykata Supreme.
Kosova nuk është peng i askujt tjetër, përveç një kaste politike që i frikësohet llogaridhënies, që jeton për privilegje dhe sakrifikon demokracinë për pushtet.
Qytetarët e Kosovës meritojnë më shumë, institucione funksionale dhe udhëheqës me integritet.
Mjaft më me mashtrime!
Mjaft më me pazare të fshehta në brigjet e Greqisë!
Mjaft më me shkelje të ligjit dhe Kushtetutës!
Është koha për përgjegjësi!
STOP GRUSHT SHTETIT.
