Lëvizja Vetëvendosje ka zyrtarizuar një numër të madh të kandidatëve për kryetarë të komunave, sidomos në komunat e mëdha siç është Prishtina, Mitrovica, Gjilani, Prizreni e disa të tjera.
Por një gjë të tillë nuk e ka bërë edhe për komunën e Ferizajit, ku deri tani nuk ka zyrtarizuar një kandidat për kryetar komune.
Gazeta Online Veriu.info merr vesh nga burimet e saj brenda Lëvizjes Vetëvendosje se emri më i përfolur si kandidat për kryetar të komunës së Ferizajit është Hekuran Murati.
Sipas këtyre burimeve, ai është ‘i preferuari’ i Albin Kurtit dhe i një pjese të madhe të strukturave të Vetëvendosjes.
Por a do të pranojë Hekuran Murati një sfidë të tillë mbetet të shihet./Veriu.info/
