Shefi i grupit të asamblistëve të PDK-së në Prishtinë, Leutrim Retkoceri, ka hedhur akuza të rënda në adresë të kryetarit të komunës Përparim Rama, duke ia përmendur shlyerjen e borxhit prej 2.4 milionë euro në Angli në vetëm 3 vjet kohë, raporton Gazeta Online Veriu.info.
Përmes një video në Facebook Retkoceri ka thë se Përparim Rama po refuzon të përgjigjt se ku janë paratë e komunës që sipas tij Rama i ka dhënë për projekte që s’ekzistojnë e as s’kanë nis me u realizu.
“Këto të gjetura janë në raportin e Auditorit që ky po ikë. s’po don me na tregu se ku janë paret gati 8 milionë euro. A mos po ju lidhet borxhi me këto miliona disi?” – thotë Retkoceri.
Dëgjojeni videon:
E keni parë në media se Përparimi ka paguar borxhin në Angli 2.4 milionë euro. Për 3 vjet ai ka arritur t’i gjejë 2.4 milionë euro e të paguaj borxhin ndërsa pagën e komunës e ka 1400 euro. Ndërkohë në Kuvend ai po refuzon të përgjigjt se ku janë paratë e komunës që ky i ka dhënë për projekte që s’ekzistojnë e as s’kanë nis me u realizu. Këto të gjetura janë në raportin e Auditorit që ky po ikë. s’po don me na tregu se ku janë paret gati 8 milionë euro. A mos po ju lidhet borxhi me këto miliona disi?
