Korab Rashiti, deputeti shqiptar në Parlamentin e Bernës ka thënë se Lëvizja Vetëvendosje është një organizatë e rrezikshme për sigurinë dhe institucione e Kosovës.
Sipas tij “Asnjëherë në histori partitë e ekstremit të majtë – siç është LVV – nuk e kanë lëshu pushtetin pa ndjekur strategjinë e tokës së djegur”.
“LVV është një organizatë me rrezik të madh për sigurinë dhe stabilitetin e institucioneve të vendit. Ndoshta ka ardhë koha të mendohet seriozisht për masa ligjore – ashtu siç kanë tentuar më parë Gjermania dhe Zvicra – për të ndaluar lëvizjet ekstremiste që cenojnë themelet e rendit demokratik.”
Rashiti është shprehur se LVV po e ndjek pikërisht atë rrugë.
“Kush e njeh historinë politike të 100 viteve të fundit e kupton shumë mirë se për çka po flas. LVV po ndjek pikërisht atë skemë klasike, me përpikëri dhe saktësi.”, ka shkruar ai.
Ai tha se në Zvicër, për dekada me radhë, partitë e ekstremit të majtë kanë qenë të ndaluara.
