Partia Demokratike e Kosovës në Pejë duket se ka vendosur të shndërrohet në patericë të kryetarit aktual Gazmend Muhaxheri që vjen nga LDK.
Kjo pasi PDK ka vendosur ta kandidojë për kryetare të komunës së Pejës drejtoreshën e qeverisjes lokale të kryetarit Gazmend Muhaxheri, raporton Gazeta Online Veriu.info.
Kjo parti ka zyrtarizuar si kandidate Arta Nallbanin e cila është drejtoreshë e ekzekutivit të Muhaxherit në bazë të koalicionit LDK – PDK në nivel komunal.
Natyrshëm shtrohet pyetja: si mund t’ia rrezikosh pushtetin një kryetari të komunës kur e sfidon me një anëtare të ekzekutivit që drejton.
Për më shumë Nallbani ishte kandidate edhe për deputete nga PDK në zgjedhjet nacionale por doli pothuajse në fund të listës me më së paku vota.
Ajo arriti të marrë vetëm 2986 vota në të gjithë Kosovën.
