Presidenti i Ukrainës, Volodymyr Zelensky ka mbërritur në Downing Street në Londër ku është pritur ngrohtësisht nga kryeministri i Mbretërisë së Bashkuar, Keir Starmer.
Zelensky kaloi pranë një rreshti gazetarësh kur mbërriti – njëri prej të cilëve e pyeti nëse Trump mund ta sjellë një armëpushim të drejtë, raporton BBC.
Zelensky dhe Starmer nuk iu përgjigjën pyetjeve. Në vend të kësaj, të dy shkëmbyen një përqafim dhe shtrëngim duarsh përpara se të hynin brenda.
Takimi zhvillohet përpara bisedimeve të shumëpritura mes presidentit amerikan Donald Trump dhe presidentit rus Vladimir Putin të premten në Alaskë.
Zelensky dhe Starmer pritet të diskutojnë për luftën e vazhdueshme në Ukrainë dhe mënyrat për t’i dhënë fund luftimeve.
