Deputeti i AAK-së, Lahi Brahimaj, i është kundërpërgjigjur kreut të Nismës, Fatmir Limajt, i cili mbrëmë në një emision e përmendi atë.
Brahimaj ditë më parë e kishte quajtur pabesi atë që kishte bërë Limaj duke u afruar me Albin Kurtin. Limaj tha se gjuha e përdorur nga Brahimaj është gjuhë e odave, e pikërisht këtë e ka përmendur deputeti i AAK-së në kundërpërgjigje.
“Është pabesi për vendin dhe të ardhmen e sigurt të shtetit çfarëdo ndihme për vazhdimin e sundimit të Kosovës nga Albin Kurti. Nga odat ku kemi shkuar fshat për fshat me premtime të sakta e deri në studio televizive moderne ku i jemi drejtuar opinionit publik, besa që kemi lidhur me qytetarët është ajo për mbrojtjen e Kosovës”, ka shkruar Brahimaj.
Sipas tij, për ta mbrojtur Kosovën edhe nga armiqtë, edhe nga keqqeverisja sunduese.
“Fjala e pambajtur mbetet vetëm pabesi, asgjë më pak”, ka shkruar në fund Brahimaj.
