Fitim Brahimi, ka denoncuar publikisht Hotelin Grand Belushi.
Ai tha se kishte rezervuar një dhomë familjare për një natë me çmimin prej 249 eurosh, por që iu dha një tjetër nën arsyetimin se dhomat ishin të zëna.
“Hotelet në Kosovë janë duke luajtur me Mërgimtarët. Dje kam shkuar me familjen time në Grand Hotel Belushi. Kisha rezervuar një dhomë familjare për një natë, çmimi 249 euro. Donim vetëm ta provonim hotelin, por ajo që na ndodhi është e pabesueshme. Na dhanë një dhomë krejt tjetër nga ajo që kishim paguar jo standard, jo cilësi. Kur u ankova, recepsioni më tha “të gjitha dhomat janë të zëna”, gjë që nuk ishte e vërtetë. Kam foto e video për ta provuar”, shkroi ai.
Ai më tej ankohet edhe mungesën e higjienës në bar, mungesën e peshqirëve dhe sjelljen e papërshtatshme të pronarit të hotelit.
“Bar-i ishte pa higjienë, pa peshqira , dhe kur e takova pronarin, i cili shetiste në SPA me këpucë të rrugëve gjë që është e pa pranueshme në vend që të kërkonte falje ose të shihte problemin, filloi të fliste keq për mysafirët dhe t’u hidhte fajin atyre. Unë desha ti tregoi për dhomën dhe atë se qka kishte ndodhur, por nuk ja arrita dotë sepse ai fliste pa pikë dhe presje. Ai foli me ne në një mënyrë që ne nuk u ndiem mirë, sepse edhe ne ishim musafir në Hotelin e tij. Kjo tregon edhe njëherë se sa shumë ka nevoi Kosova për komunikim ndërnjerzor, dhe sa pak investohet në zhvillimin personal”, tha ai.
Gjithashtu, ai tregon se nuk kanë fjetur fare atë natë për shkak të zhurmës së kondicionerit, i cili më pas u prish tërësisht.
“Gjatë natës nuk fjetëm fare kondicioneri bënte shumë zhurmë, pastaj u prish krejt. Ishte natë pa gjumë, e mbushur me nerva dhe zhgënjim. Kjo për mua është turp dhe skandal. Deri më tani nuk kam pranuar asnjë lajm nga pronari ose stafi i hotelit ne fjalë. Skandal në Hotelin Grand Belushi Hotelet në Kosovë janë duke luajtur me Mërgimtarët”, përfundoi ai.
