Njëri prej asamblistëve me më së shumti mandate si asamblist në Kuvendin Komunal të Prishtinës, Milazim Vitija, ka njoftuar se do të kandidoj edhe për një mandat.
I njohur për përkushtimin e madh ndaj komunitetit dhe afërsi të rrallë me qytetarët, Milazim Vitija zotohet se do të vazhdoj të jetë zëri i qytetarëve në vendimmarrje.
Vitija në listën e kandidatëve të LDK-së për anëtarë të Kuvendit Komunal të Prishtinës mbanë numrin 31, përderisa sa thotë se do të punoj 31 ditë në muaj për Komunën e Prishtinës, për LDK-në e për Kosovën, raporton Veriu.info.
Postimi i Milazim Vitija:
Të dashur qytetarë të Prishtinës,
Anëtarë dhe mbështetës të Lidhjes Demokratike të Kosovës.
Rrugëtimi ynë në këto katër mandate ka qenë një ecje e përbashkët në ndërtimin e vlerave demokratike, në zhvillimin e komunitetit dhe në përparimin e përbashkët të Prishtinës sonë.
Po ecim drejt mandatit të pestë me krenarinë që kemi qëndruar bashkë — të lidhur përmes Lidhjes Demokratike dhe vlerave tona, por edhe me përgjegjësinë që kemi ndaj kryeqytetit, ndaj njerëzve të komunitetit tonë dhe ndaj zhvillimit të vendit tonë.
Përvoja ime e gjatë do t’i shërbejë me përgjegjësi Kuvendit Komunal — aty ku kërkohet pjekuri, vendosmëri dhe seriozitet për çështjet e komunës.
Do të vazhdoj të jem zëri juaj në vendimmarrje: Për projektet në lagjet dhe fshatrat tuaja,
Për ndarjen e drejtë të buxhetit të investimeve,
Për idetë inovative dhe zhvillimore që i kanë dhënë emër Prishtinës.
Gjatë gjithë jetës sime kam qenë i përkushtuar të shërbej me dashuri, me urtësi dhe drejtësi.
Këto janë vlerat që na kanë mbajtur bashkë si shoqëri. Këto janë vlerat që i kemi trashëguar brez pas brezi. Këto janë vlerat që i ka kultivuar Lidhja Demokratike e Kosovës, shtëpia jonë e madhe dhe e përbashkët!
Në zgjedhjet e 12 tetorit, jam pjesë e listës së Lidhjes Demokratike të Kosovës me numrin 31!
Do të punoj 31 ditë në muaj për Komunën e Prishtinës, për LDK-në, për Kosovën!
Do të punojmë 31 ditë në muaj për fitoren e Përparim Ramës.
Ta vazhdojmë përparimin! Na duhet përparimi, na duhet zhvillimi!
#LDK
#Përparim Rama
