Shtetet e Bashkuara të Amerikës kanë vendosur sanksione ndaj gjyqtarit francez Nicolas Yann Guillou, i cili pati një rol kyç në procedurën paraprake të rastit të ish-presidentit Hashim Thaçi në Gjykatën Speciale.
Përmes një deklarate, Departamenti Amerikan i Shtetit, theksoi se Guillou ka autorizarur lëshimin e urdhër-arresteve ndërkombëtare për kryeministrin izraelit, Benjamin Netanyahu, dhe ish-ministrin e Mbrojtjes, Yoav Gallant, në lidhje me akuza për krime lufte, transmeton klankosova.tv.
Ky veprim ka shkaktuar reagimin e administratës amerikane, e cila e ka vendosur gjyqtarin nën sanksione.
Përveç Guillou, janë sanksionuar gjithashtu edhe tre figura të tjera të Gjykatës Ndërkombëtare Penale, përkatësisht Kimberly Prost, Nazhat Shameem Khan dhe Mame Mandiaye Niang, si pjesë e presionit të vazhdueshëm të SHBA-ve ndaj ICC-së për hetimet që përfshijnë liderët dhe autoritetet izraelite.
