Seanca e parë konstituive pas aktgjykimit të Gjykatës Kushtetuese përfundoi pa zgjedhjen e kryeparlamentares.
Kandidatet e propozuara, Albulena Haxhiu dhe Donika Gërvalla, dështuan të marrin shumicën e nevojshme. Pas këtij dështimi, seanca është shtyrë për 22 gusht.
Në lidhje me zhvillimet e ditës, kryetari i Aleancës për Ardhmërinë e Kosovës, Ramush Haradinaj, në Debat Plus ka thënë se VV ka marrëveshje me Listën Serbe, por që nuk ka paraqitur asnjë argument, shkruan Veriu.info.
“Ne i kemi dhënë Vetëvendosjes tri kandidatura, përfshirë kryetarin e mëhershëm të Kuvendit. VV sot e kish nxjerrë prej loje Listën Serbe me Glauk Konjufcën. VV është në koalicion me Listën Serbe, kjo është marrëveshje e tyre me na nxjerrë në një pamje të këtillë. Sepse ata e kishin mundësinë me qit prej loje Listën Serbe, sikur të ish Glauk Konjufca ne i kishim çu duart dhe sot ish zgjedh kryetari i Kuvendit”, ka thënë Haradinaj.
Sipas tij, Serbia po përfiton prej qeverisjes Kurti./Veriu.info
