Ivana Trump, ish-bashkëshortja e parë e ish-presidentit Donald Trump vdiq nga plagët e marra pas rrëzimit nga shkallët.
Në këtë përfundim ka dalë autopsia e kryer pas vdekjes së Trump, ku nënvizohet se vdekja e saj ka qenë aksidentale.
Ivana Trump, e cila ka lindur në Çekosllovaki, u martua me ish-presidentin në vitin 1977. Ata u divorcuan 15 vjet më vonë në 1992. Ata kanë tre fëmijë së bashku – Donald Jr, Ivanka dhe Eric Trump.
Pas ndarjes së tyre, Trump vazhdoi të publikonte linjat e saj të produkteve të bukurisë, veshjeve dhe bizhuterive.
Ajo mori meritën për rritjen e fëmijëve të tyre në librin e saj të kujtimeve të vitit 2017, “Raising Trump”.
Në libër, ajo shtoi se marrëdhënia e saj me Trump ishte përmirësuar që nga divorci i tyre.
Familja Trump e lavdëroi atë në një deklaratë si “një forcë në biznes, një atlete e klasit botëror, një bukuri rrezatuese dhe nënë dhe mike e kujdesshme”.
