Anëtari i Partisë Demokratike të Kosovës (PDK), Genc Prelvukaj, ka shprehur publikisht mbështetjen e tij për kandidatin e kësaj partie në Mitrovicë, Arian Tahirin.
Përmes një postimi në rrjetet sociale, Prelvukaj e ka cilësuar Tahirin si “kandidatin më të kompletuar, më punëtor dhe më adekuat për ta vazhduar projektin për zhvillimin e komunës së Mitrovicës”.
Ai ka veçuar edhe aspektet akademike dhe profesionale të Tahirit, duke përmendur se është i shkolluar deri në gradën doktor shkence, njëherësh edhe sportist i dalluar, i njohur për përkushtimin dhe afërsinë me qytetarët.
“Zoti Tahiri ka besimin e plotë të strukturave të PDK-së, por veç kësaj duket se ka edhe simpatinë e shumicës popullore të vendit prej nga vjen,” ka shkruar Prelvukaj.
