Sot gjatë ditës në media është publikuar një video, ku raportohej se në një hotel në Shëngjin është lëshuar muzikë serbe në prani të pushuesve kosovarë.
Në një prononcim për Veriu.info, Lad Gjekaj, pronari i hotel “Frojd” në Shëngjin e ka mohuar lëshimin e muzikës serbe në hotelin e tij, duke thënë se nuk është lëshuar muzikë serbe, por muzikë boshnjake pasi që në hotel kishte pushues boshnjakë të cilët e kishin kërkuar.
“Mbrëmë nuk është e vërtetë se në hotelin tonë është lëshuar muzikë serbe, por pasi që kishim pushues bojshnjakë kemi lëshuar edhe një këngë në gjuhën boshnjake me kërkesën e tyre”, ka thënë Lad Gjekaj në një prononcim ekskluziv për Veriu.info.
Ai ndër të tjera ka thënë se i vjen shumë keq për këtë keqinterpretim.
“Më vjen shumë keq nga pushuesit kosovarë që po qëndrojnë në hotelin tonë për këtë keqinterpretim./Veriu.info
