Një grabitje e rëndë ka ndodhur në orët e para të mëngjesit të sotëm në Prishtinë, ku hajnat kanë depërtuar në një shtëpi dhe kanë marrë me vete pasuri me vlerë të madhe, ndërsa familjarët ndodheshin në gjumë.
Burimet e Gazetës Sinjali bëjnë të ditur se rasti është raportuar rreth orës 03:30 në lagjen “Qendresa”, në rrugën “Gjon Nikollë Kazazi”.
Sipas ankuesit N. O. rreth 64-vjeçar, pas thyerjes së shtëpisë, hajnat kanë vjedhur: • Bizhuteri të markës Swarovski me vlerë mbi 10,000 €, • Ari me vlerë rreth 8,000 €, • 4 orë dore Swarovski, • 1 orë Swatch me vlerë 2,000 €, • Një çantë krahu Guess me vlerë 300 €, • 4 kuleta me vlerë rreth 100 €, • Para të gatshme rreth 1,400 €, • Një iPhone 15 Pro Max me vlerë 1,300 €.
Në total, dëmi material arrin në rreth 23,100 euro.
Në vendin e ngjarjes kanë dalë njësitet policore, hetuesit dhe forenzika, ku është konstatuar se shtëpia ishte e demoluar. Nga hetimet e para është bërë e ditur se në lokacion ka kamera sigurie, të cilat mund të ndihmojnë në identifikimin e autorëve.
Me urdhër të Prokurorit kujdestar, rasti është iniciuar si “Vjedhje e Rëndë” dhe hetimet janë duke vazhduar.
