Një rast i rëndë është raportuar në Fushë Kosovë, ku një familje ka denoncuar në Polici zhdukjen e vajzës së tyre.
Burimet e Gazetës Sinjali bëjnë të ditur se bëhet fjalë për K. Vojvoda rreth 23-vjeçare, e cila është parë për herë të fundit më 24 gusht 2025, rreth orës 11:00, kur kishte dalë nga shtëpia në rrugën “Nënë Terezë”.
Që prej asaj dite, familjarët nuk kanë asnjë informacion për vendndodhjen e saj. Në denoncimin e bërë, nëna e saj, F. K. rreth 58-vjeçare, ka deklaruar se 23-vjeçarja nuk është kthyer më dhe nuk ka mundur të kontaktojë me të.
Me urdhër të Prokurorit, rasti është cilësuar si “Person i zhdukur” dhe është duke u hetuar nga Policia e Kosovës.
Kushdo që ka ndonjë informacion për vendndodhjen e saj, të kontaktojë menjëherë Policinë e Kosovës ose familjarët.
