Policia e Kosovës ka njoftuar se gjatë ditës së nesërme me fillim nga ora 10:00 do të mbahen homazhe pranë pllakës përkujtimore kushtuar zyrtarit Triumf Riza, i cili kishte rënë në krye të detyrës.
Sipas njoftimit të policisë, gjatë kësaj ceremonie do të bëhet edhe vendosja e gurthemelit të memorialit i cili pritet të ndërtohet për nder të Rizës dhe të gjithë zyrtarëve policorë të rënë gjatë kryerjes së detyrës së tyre.
Në këtë ceremoni pritet të jenë të pranishëm edhe zyrtarë të lartë shtetërorë përfshirë: kryeministrin në detyrë Albin Kurti, ministri i Punëve të Brendshme, Xhelal Sveçla, si dhe drejtori i Policisë, Gazmend Hoxha.
