Po e përfundon mandatin e kryetarit të komunës, por Imri Ahmeti për katër vite qeverisje nuk ka arritur të fillojë realizimin e hiq më pak se 11 premtimeve që i kishte dhënë gjatë fushatës së vitit 2021, raporton Gazeta Online Veriu.info.
Ahmeti në vitin 2021 kishte bërë gjithsej 61 premtime në programin e tij elektoral. Sipas një hulumtimi të publikuar nga Instituti GAP, nga këto premtime vetëm 32 janë realizuar plotësisht, 10 janë në gjysmë realizimi, 8 kanë filluar të implementohen, ndërsa 11premtime nuk kanë nisur fare.
12 premtimet e parealizuara të Ahmetit janë: Mbulimi i shpenzimeve të udhëtimit për të gjithë nxënësit e shkollave të mesme të larta, Subvencionimi i pagës mujore në shumë shtesë prej 50% për të punësuarit e rinjë në sektorin privat për periudhën nga gjashtë (6) muaj deri në një (1) vit, Ndërtimi dhe hapja e rrugës “Sadik Shala” përgjatë hekurudhës që lidhet me rrugën magjistrale “QMI-Lipjan”, Hapja dhe ndërtimi i rrugës që lidh pjesën përgjatë hekurudhës nga prapa stadiumit të qytetit deri te rruga afër objektit të Xhamisë në Lipjan, Ndërtimi i parkut së bashku me tregun e gjelbër në hapësirën prapa Shkollës Fillore “Vëllezërit Frashëri”, Hapja dhe ndërtimi i rrugës përshkuese në pjesën perëndimore të lagjes “Mostina” dhe dalja në rrugën Lipjan – rrethrrotullimi për Magure. Ne këtë rrugë lidhen rrugët tjera të kësaj lagje, përkatësisht me rrugën “Hamdi Bislimi”, Qendrat e Mjekësisë Familjare (Shalë , Janjevë dhe Gadime,) do të ofrojnë shërbime mjekësore me orar të punës prej 24 orëve dhe do të kenë në dispozicion edhe autoambulancë, Themelimi i Ndërmarrjes Publike Komunale “Ulpiana”, e cila do të ketë kompetencë mirëmbajtjen dhe menaxhimin e hapësirave publike, ku rëndësi e veçantë do t’i jepet menaxhimit të çështjeve mjedisore në tërë territorin e Komunës së Lipjanit, duke përfshirë trajtimin e ujërave të zeza, pastrimin e ambientit dhe trajtimin e deponive të egra të mbeturinave, Ndërtimi i sistemit të ujësjellësit për fshatrat Vërshec, Leletiq, Baicë dhe Akllap, Ndërtimi i stadiumit të futbollit në Gadime të Epërme dhe Ndërtimi i fushave për Streetball në qytetin e Lipjanit dhe në disa lokalitete tjera./Veriu.info/
