Asamblisti i Lëvizjes Vetëvendosje në Mitrovicë, Kushtrim Zeneli, i kishte dalë në mbrojtje më 2023 pas arrestimit Faruk Mujkës, kryeshefi të Ibër Lepencit, ndaj të cilit sot u ngrit aktakuzë nga Prokuroria Speciale, raporton Gazeta Online Veriu.info.
Zeneli kishte marrë rolin e “gjykatësit” duke dhënë fjalën përfundimtare me konstatim të prerë “Faruk Mujka nuk eshte i korruptuar”.
Por a thua çfarë do të thotë sot Kushtrim Zeneli, i cili ishte punësuar në KRU “Prishtina” si inspektor disa muaj para se Mujka të arrestohej më 2023 për korrupsion.
Së paku deri tani ai nuk ka bërë ndonjë reagim, sado që më 2023 kërkonte që drejtësia t’i shkojë deri në fund kësaj pune.
E kur sot drejtësia lëvizi duke ngritur aktakuzë ndaj Mujkës, Zeneli ka zgjedhur heshtjen.
Postimi i tij i vitit 2023:
Faruk Mujka nuk eshte i korruptuar. Ky eshte besimi im per aq sa e njoh dhe kam bashkepunuar.
Drejtesia duhet t’i shkoje deri ne fund kesaj pune. E ne do te jemi ketej e do ta shohim epilogun.
Nese dikush mendon qe kjo e sotmja eshte pertej luftes speciale kunder VETEVENDOSJES! nga mbetjet e regjimit te vjeter brenda sistemit, e ka gabim.
