Gazetari Adriatik Kelmendi e ka kritikuar presidentes e Kosovës, Vjosa Osmani, për reagimin e djeshëm ndaj mediave që raportuan se vajzat e saj po shkollohen në një shkollë private në Prishtinë.
Ai ka bërë me dije se reagimi i shefes së shtetit paraqet edhe dështimin e këshilltarëve të saj.
Në profilin e tij në “Facebook”, ai ka shkruar se me pak mençuri presidentja do të mund ta evitonte këtë situatë.
“Çfarë dështimi i Presidentes Osmani dhe këshilltarëve të saj sot. Për keqardhje. Amatorizëm i skajshëm që zbeh demokracinë është arrestimi i fotoreporterit dhe, edhe më tepër, gjuha e përdorur nga Presidentja në shkrimin e saj. Me pak mençuri nga ajo dhe stafi, kjo do të duhej të ishte përgjigjja: Sot ka ndodhur një keqkuptim! Një gazetar, në këtë rast fotoreporter, është arrestuar nga pjesëtarët e Policisë së Kosovës, të cilët kujdesen për sigurinë e familjes sime, sipas ligjit në fuqi. E kuptoj se pozita e Presidentes, e cila paguhet nga taksat e qytetarëve, ka pushtet me të cilin ka përgjegjësi dhe kërkon llogaridhënie. Në të njëjtën kohë, bart rreziqet e veta eventuale për mua dhe familjen time”, ka shkruar Kelmendi.
