Kandidati i Partisë Demokratike të Kosovës për kryetar të Mitrovicës, Arian Tahiri, ka deklaruar se kandidimi i tij është përgjigje ndaj kërkesës së qytetarëve mitrovicas, të cilët, sipas tij, e kanë kërkuar këtë qysh më herët.
“Është nder i madh për mua mbështetja që kam marrë nga strukturat e PDK-së. Procesi i kandidimit është i brendshëm në parti dhe ka pasur mbështetje të plotë. Por, përtej saj, jam jashtëzakonisht mirënjohës për qytetarët e Mitrovicës që më kanë përkrahur për katër vjet rresht,” tha Tahiri.
Ai shtoi se mbështetja për kandidaturën e tij është e gjerë dhe reale, jo vetëm nga partia, por edhe nga qytetarët.
“Të gjitha matjet dhe perceptimet janë shumë pozitive, por përtej tyre, unë e ndjej mbështetjen e qytetarëve dhe besoj se ka një bashkim të mitrovicasve për të fituar këtë garë,” u shpreh ai, duke shtuar se “Do të fitojmë, do të qeverisim dhe do të bëjmë shumë punë të mira.”
