Komandanti në largim i KFOR-it, Enrico Barduani, ka raportuar në seli të NATO-s në Bruksel, ku ka folur për trendet e sigurisë në Kosovës gjatë mandatit të komandës së tij në trupën paqembajtëse.
Barduani tha se gjendja e sigurisë në Kosovës mbetet stabile, por se rreziku “i shpërthimeve të papritura” është ekzistent në vend: shkaku i tensioneve etnike.
Pjesë nga fjala e Barduanit:
Muajve të fundit KFOR-i ka qenë duke u përballur me një numër sfidash: situata në Kosovë është stabile, por mbetet subjekt i rrezikimeve të përshkallëzimeve të papritura për shkak të disa çështjeve të pazgjidhura. Ka ende disa variabla në peizazhin politik, përfshirë edhe ngërçin politik në Prishtinë. Përveç kësaj, kemi ende tensione etnike dhe shumë shpesh kemi qenë dëshmitar të retorikave nxitëse dhe të dëmshme.
Rruga për siguri afatgjate në Kosovë nuk është ushtarake, por politike. Prandaj ne, si NATO, vazhdojmë të mnbështesim normalizimin e marrëdhënieve Beograd – Prishtinë. Prandaj, Dialogu i Fascilituar nga BE mbetet korniza e vetme e vlefshme për të zgjidhur çështjet e mbetura për të gjetur zgjidhje që respekton të drejtat e të gjithë komuniteteve.
Për të ecur para është e rëndësishme që Beogradi dhe Prishtinë të zbatojanë marrëveshjet ekzistuese; duhet fleksibilitet dhe kompromis i domosdoshëm: ky është çelësi i sigurisë afatgjate
