Kryeministri në detyrë, Albin Kurti, është deklaruar për herë të parë mbi vendimin e Shteteve të Bashkuara të Amerikës për pezullimin e Dialogut Strategjik me Kosovën, raporton GazetaBlic.
Në mbledhjen e Qeverisë, Kurti tha se nuk janë prishur me Amerikën, por që sipas tij, mes tyre ka dallime dhe theksoi se opozita po i stërzmadhon çëshjet.
Lidhur me këto deklarata, në një prononcim për GazetaBlic, ka reaguar deputetja nga Partia Demokratike e Kosovës, Ganimete Musliu, e cila thotë se Kurti e ka futur Kosovën në një qorrsokak instiucional dhe diplomatik.
Musliu thotë se Kurti po i realizon strategjitë e Akademisë së Shkencave të Serbisë, ku thekson se për këtë një ditë do të mbajë përgjegjësi.
“Albin Kurti e ka futur Kosovën në një qorrsokak institucional dhe diplomatik. Kjo është e vërteta e hidhur e cila nuk mumd të kamuflohet me lojëra fjalësh. Me apo pa qëllim Albin Kurti po i realizon strategjitë e Akademisë së Shkencave të Sërbisë dhe për këtë një ditë do të mbajë përgjegjësinë”, tha ajo.
Por sa i përket deklaratës së Kurtit se opozita po i stërmadhon gjërat, Musliu thotë se është e kundërta dhe se gjithmonë e ka informuar rregullisht opinonin dhe thekson se opozita është treguar shumë e butë përgjatë pesë viteve të fundit.
Ajo thotë se Kurti nuk e meriton konstruktiviteitin e opozitës, dhe duhet të përballet me metodat që vet ai i ka shëndrruar në norm, ku vlerëson se fajtor për gjithë këtë katrahurë është Albin Kurti dhe kabineti i tij qeveritar.
“Sa i përket sulmeve ndaj opozitës, duhet të theksoj se opozita nuk është duke i stërzmadhojë gjërat, përkundrazi, edhe pse e ka informuar rregullisht opinionin, është treguar shumë e butë përgjatë pesë viteve të fundit. Albin Kurti nuk e meriton konstruktivitetin tonë. Ai duhet të përballet me të njëjtat metoda që ai vet i ka shndërruar në normë. Sot Kosova është në krizë institucionale, juridike, diplomatike dhe ekonomike. Fajtor për këtë katrahurë është Albin Kurti dhe kabineti i tij qeveritar”, u shpreh ajo.
Deputetja thotë se në çdo vend demokratik të botës, politikanët si Albini dhe ministrat e tij do të përfundonin në burg dhe shprehet e bindur se heret a vonë aty do të përfundojnë.
Musilu thkeson se nëse sot i mbyllim sytë, nesër do të jetë vonë, ku shpreson se populli i Kosovës nuk do të bie pre e rrenave të Kurtit përmes të cilave po e shkatërron Kosovën.
“Në çdo vend demokratik të botës, politikanët si Albini dhe ministrat e tij do të përfundonin në burg dhe jam e bindur se herët a vonë aty do të përfundojnë. Kosova është çliruar dhe është ndërtuar me shumë sakrificë dhe për mbrojtjen e saj nuk është vetëm opozita përgjegjëse. Për mbrojtjen e Kosovës jemi të gjithë përgjegjës. Nëse sot i mbyllim sytë, nesër do të jetë vonë. Shpresoj që populli i Kosovës mos të bie më pre e rrenave të tij përmes të cilave po e shkatërron Kosovën dhe reputacionin e saj”, përfundoi Musliu për GazetaBlic.
