Analisti politik Xhevdet Pozhari ka bërë një parashikim për zgjedhjet e 12 Tetorit, transmeton Gazeta Online Veriu.info.
Pozhari nëpërmjet një postimi në facebook ka bërë një analizë për tetë komunat më të mëdha në Kosovë.
Postimi i plotë:
Analizë e deritanishme për tetë komunat e mëdha në Kosovë:
Prishtinë:
Hajrulla Çeku dhe Përparim Rama dy pretendentët kryesorë. Uran Ismaili në rënie të lirë.
Balotazhi VV-LDK duket i pashmangshëm.
Podujevë:
Shpejtim Bulliqi duke i rritur gjasat që të fitojë pa balotazh.
Ferizaj:
Agim Aliu ndjehet komod. E synon fitoren pa balotazh.
Pejë:
Gazmend Muhaxheri për herë të parë, pas shumë kohësh, përballet me një kundërkandidat kaq të përgatitur si Taulant Kelmendi që mund ta çojë në balotazh.
Prizren:
Shaqir Totaj ndjen se e ka nënvlerësuar kandidaturën e Artan Abrashit, i cili ka nisur bashkëpunimin me të gjitha partitë tjera për ta çuar Prizrenin në balotazh.
Gjakovë:
Ardian Gjini e din se përballë ka dy kandidatë të cilët i respekton qyteti, Ardian Golën dhe Shefqet Shehun. Por, përvoja e tij e gjatë mund t’i ndihmojë ta gjejë rrugën e fitores pa balotazh.
Mitrovicë:
Faton Peci është kandidati më i sulmuar në këto zgjedhje. PDK-ja dështimet e Bedri Hamzës mundohen t’i mbulojnë përmes një djali të ri dhe energjik që është i vendosur mos të dorëzohet.
Gjilan:
Alban Hyseni është në epërsi të dukshme. Ai tashmë e synon fitoren në raundin e parë.
Sipas analizës së deritanishme:
– PDK e mban Ferizajn. Do ta shtojë angazhimin për Prizrenin.
– VV e rikonfirmon besimin në Gjilan dhe Podujevë.
– LDK nuk ndjehet komode në Pejë, prandaj do t’i shtojë përpjekjet.
– AAK e din se në Gjakovë nuk do të jetë e lehtë që ta fitojë besimin për herë të tretë me radhë në raundin e parë. Por, jo e pamundur.
E, kryeqyteti, Prishtina, do të jetë beteja e madhe.
