Adelina Ismaili ka qenë së fundmi e ftuar në emisionin “Goca dhe Gra”, ku ka ndarë me publikun momente nga jeta e saj personale, rrugëtimi artistik dhe këngët e saj që kanë bërë histori në muzikën shqiptare.
Gjatë bisedës, këngëtarja u pyet edhe për projektin e saj të njohur “Ushtrinë time do ta bëj”, i cili në kohën e publikimit shkaktoi shumë diskutime.
Pyetja lidhi bisedën edhe me politikën, temë të cilën Adelina nuk e shmangu.
“Të flasësh për politikën dhe të mos flasësh për Adelina Ismailin është e pamundur. Mendoj se tash është epoka e Albin Kurtit. Në fakt, në Kosovë po se po, por besoj që do të jetë edhe këtej kufirit në një moment”, tha ajo.
Moderatoret e pyetën nëse do të bënte “Një ushtri me Albin Kurtin”, ndërsa artistja u përgjigj me humor.
“Ushtria është krijuar më 14 dhjetor 2008 në Kosovë, unë e kam ditëlindjen më 14 dhjetor. Unë besoj që Kosova e ka bërë këtë qëllimisht për hatrin tim”.
Në vijim, ajo shtoi se sipas saj, ndikimi i kryeministrit të Kosovës po rritet dita-ditës: “Po më duket që influenca e tij po rritet kudo që ka shqiptarë, po duket se koha e tij po vjen. E kam një bindje që nuk do të kufizohet vetëm në Kosovë”.
