Kandidati për kryetar të Lipjanit nga Lëvizja Vetëvendosje, Ilir Qeriqi, përmes një video ka prezantuar disa të gjetura që i quan skandaloze lidhur me parkingun nëntokësor në komunën e drejtuar nga Imri Ahmeti i LDK-së, raporton Gazeta Online Veriu.info.
Ai ka thënë se është skandaloze pasi në dosjen e tenderit të vitit 2023 janë futur dokumente një një projekti të vitit 2021 e që janë marrë nga një projekt i një kompanie tjetër.
Sipas Qeriqit sensorët e monoksidit të karbonit nuk janë vendosur fare siç janë të paraparë në projekt dhe në vend të tyre janë vendosur sensorë të tymit dhe të temperaturës e që as këta nuk janë funskional.
“Edhe ventilatorët nuk janë vendosur sipas kritereve të kontratës, janë vendosur shumë më të lirë dhe po ashtu nuk janë funksional. Sistemi i zërimit për adresim publik në rast rreziku i paraparë me kontratë nuk ekziston fare.” – tha Qeriqi.
Ai thotë se ky projekt milionësh rrezikon çdo ditë jetën e qytetarëve dhe ka ftuar krimet ekonomike dhe prokurorinë që të hetojnë këtë projekt korruptiv që sipas tij inkriminon kryetarin Imri Ahmeti dhe zyrtarët e afërm të tij.
Dëgjojeni videon e plotë:
