Kryeministri në detyrë, Albin Kurti, mbrëmë gjatë fushatës zgjedhore ka hedhur kritika të ashpra në adresë të kandidatit të LDK-së, Përparim Rama.
Ai ka thënë se Përparim Rama mund ta bëjë një punë të mirë që të nxjerr një biletë njëkahshe për në Londër, raporton Gazeta Online Veriu.info.
Por ai ka dhënë një kusht për këtë, që Rama mos të sillet kah ambasada jonë.
“Ky mundet me ba një punë të mirë në ardhmen, një biletë njëkahshe për Londër, por me kusht që mos mu sill kah ambasada jonë.” – tha Kurti për Përparim Ramën.
“Dhe as s’mund të jesh kryetar i suksesshëm i Prishtinës kur oligarkët e mujsharët e zullumqarët ta përcaktojnë kahjen e zhvillimit të qytetit. Nuk kalojnë të tillë më në Prishtinë. Prishtina nuk e lejon këtë. Këta njerëz nuk kanë vizion, nuk kanë respekt për qytetarin, nuk kanë dashuri për këtë qytet, ata e kanë për vete. E kush e ka për vete nuk duhet të ketë vota të juaja.” – ka thënë Kurti
