Fatmir Sheholli, i dyshuar për përfshirje në spiunazh, është hospitalizuar më 11 tetor në Spitalin e Përgjithshëm të Gjilanit, për shkak të disa ndryshimeve në gjendjen e tij shëndetësore.
Lajmin e ka konfirmuar ushtruesi i detyrës së drejtorit të këtij spitali, Afrim Cana. Sipas tij, Sheholli fillimisht është pranuar në repartin e emergjencës dhe më pas është shtruar për trajtim të mëtejshëm.
“Pacienti është pranuar dje (11.10.2025) me disa ndryshime në shëndet. Pas kontrolleve në emergjencë, është hospitalizuar dhe po trajtohet në spital,” deklaroi Cana.
