I ftuari i radhës në Blic interview me Astrit Gashin është analisti politik, Halil Matoshi.
Matoshi ka renditur opsionet se kur mund të mbahen zgjedhjet e jashtëzakonshme.
“Opsioni i parë është dhjetori i sivjetshëm, opsioni i dytë nëse zoti Kurti nuk arrin me bë koalicion me një subjekt tjetër cilido qoftë, zgjedhjet shtyhen kështu me ndërmjetësimin e Gjykatës Kushtetuese edhe nga një muaj, ose me stërzgjatjen e Qeverisë, e mandaton edhe njëherë 15 ditë është në diskrecion të Presidentes me ia shty edhe 5-7 ditë sepse thotë më duhet kohë akoma për bashkëpunim, sjam gati…mundet pastaj me ia dhënë edhe të dytit, ish-opozitës mandatin, kështu që opsioni i dytë është shkurti ose marsi i vitit të ardhshëm kur edhe Presidentes i përfundon mandati dhe kur praktikisht shteti i Kosovës bankroton, mbyllet” deklaroi Matoshi.
Ai pati kritika për klasën aktuale politike, duke thënë se është më e papërgjegjshme prej viteve të 90-ta.
Matoshi theksoi se ‘nuk e di se ku është e ardhmja e Kosovës me këtë politikë’.
“Kjo është klasa politike më e papërgjegjshme ndoshta prej viteve të 90-ta që s’kemi pas as shtet. Kur flas për klasën politike nuk flas vetëm për partinë e Albin Kurtit, Vetëvendosjen, sepse ju po e shihni Kurti me retorikën dhe narrativën e tij të krijuar për Veriun dhe ‘çlirimin’ e tij… veriu dhe jugu janë çliru në 99-ën prej NATO-s, nuk e ka çliru askush veriun. Në veri janë amerikanët qe e mbrojnë territorin që 26 vjet prandaj, po, klasë e papërgjegjshme e cila po shpresoj me këshillat dhe intervenimin e aleatëve tonë, emancipohet dhe kulturohet pak në kuptimin shtetëror, institucional, sepse si njeri skam asnjë të keqe me Kurtin, kam qenë në burg me të në 99 në Pozharevc, e kam respektu si njeri i cili ka mendimin e vet. Sulmi mbi Kushtetutën, me Kushtetutë kundër Kushtetutës të ardhmen e Kosovës e bën totalisht të pasigurtë. Unë nuk e di se ku është e ardhmja e Kosovës me këtë politikë, me kete politikë sentimenti anti-serb ku ty aleatët tonë ti kanë lënë serbët e Kosovës në mirëbesim që ti me ua garantu të gjitha të drejtat, plus, jo veç të drejtat universale por edhe të drejtat kushtetuese” tha Matoshi në Blic Interview me Astrit Gashin raporton “Gazeta Blic”.
