Ismail Tasholli mbrëmë në “Rubikon” Klan Kosova tha se kryeministri në detyrë, Albin Kurti, politikëbërjen e përjeton si pazar, tuxharllëk dhe numër, e nuk mund assesi të dalë nga kjo kornizë e të menduarit.
Ai u shpreh se Kurti tash e disa kohë po e mban brenda etheve elektorale mënyrën e qeverisjes së tij dhe se po zvarrit krejt procesin e krijimit të institucioneve.
“Ma kanë rritur pazarin” atë që e thotë në Londër kryeministri, e tregon botëbesimin e tij në raport me politikëbërjen, e përjeton si pazar, e përjeton si tuxharllëk dhe e përjeton si numër”, tha ai.
“Tash e një kohë, ky pushtet është në pauzë, nuk është duke qeverisur Kosova, kryeministri po e mban tash e sa muaj brenda etheve elektorale komplet mënyrën e qeverisjes së tij dhe është shumë shqetësuese mënyra se si mundohet ta rehabilitojë pauzimin e tij institucional”, u shpreh Tasholli.
