Presidenti i Ukrainës, Volodymyr Zelensky, e falënderoi Britaninë e Madhe për mbështetjen dhe tha se homologu i tij rus, Vladimir Putin, po e shtyn Ukrainën drejt katastrofës humanitare.
Gjatë takimit me kryeministrin britanik, Keir Starmer, presidenti ukrainas tha: “Po, pajtohem me ju dhe ta dini se Putini nuk po tregon se dëshiron ta ndalë luftën”, shkruan gazeta “The Guardian”.
Ai shtoi se agresioni rus “po na shtyn drejt një katastrofe të tillë humanitare” me sulme që e kanë në shënjestër infrastrukturën, përfshirë sektorin e energjisë në Ukrainë.
“Ne ju jemi falënderues juve që nuk jemi vetëm në këtë situatë – që nga fillimi i luftës por sidomos tani, kjo është shumë e rëndësishme” – tha Zelensky.
“Vetëm një zgjidhje e fortë dhe e drejtë për t’i dhënë luftës do të funksionojë vërtet. Ju lus që të na mbështetni për këtë” – shtoi ai.
