Një paraqitje me video e sotme, e publikuar nga vetë nga ministrja shqiptare e Infrastrukturës dhe Energjisë, Belinda Balluku, ka ngjallur reagime dhe kureshtje mes qytetarëve.
Në pamjet e shpërndara nga vetë zëvendësja e parë e Edi Ramës, Belinda Balluku shihet përkrah drejtorit të ri të Portit të Durrësit, Liburn Aliu, gjatë prezantimit të tij. Megjithatë, vëmendjen kryesore nuk po e merr vec pozita e re e ish-Ministrit kosovar, po fokusi po shkon edhe te një nxirje e dukshme nën syrin e majtë të numrit 2 të Qeverisë Rama 4.
Pamjet kanë bërë rrjetet sociale të mbushen me pyetje dhe spekulime. Komentet kanë qenë të shumta, deri tek ato që spekulojnë mbi arsyet e mundshme të shfaqjes së saj.
Një prej atyre që ka reaguar për mavijosen poshtë syrit të Ballukut ka qenë edhe personazhi i njohur shqiptar, Olti Curri.
“Nje pagjumesi e lehte…rrathet e syve te nxire, pak stres per te premten por te tjerat jane mire. Treçereku i opozites i paguar heshtin, mediat kryesore te paguara qepin gojen dhe bejne tema gatimesh ne emisionet e tyre politike, portalet rrogtare paraqesin drejtorin e portit bregdetar nje djale nga malet qe detin e ka pare ne foto…Bela ciao ciao ciao”, shkruan Curri në Facebook, përcjell Reporteri.net.
Zyra e ministres shqiptare nuk ka dhënë ende asnjë reagim apo sqarim zyrtar mbi pamjen e Ballukut.
Kujtojmë se Balluku u thirr këtë të hënë në SPAK, por nuk u paraqit. Thirrja lidhej me hetimet për abuzime me tendera, të cilat po hetohen nga SPAK.
Derisa sot, Zëvendëskryeministrja e Shqipërisë, Belinda Balluku, prezantoi Liburn Aliun, ish-ministrin e Infrastrukturës në Qeverinë e Kosovës si drejtori të ri të Portit të Durrësit.
