Presidentja Vjosa Osmani ka propozuar zgjatje buxhetore, siç tha, në mënyrë që qytetarët të mos përballen me një situatë ku nuk kanë paga, shkruan Reporteri.net.
Këtë propozim, Osmani e dha meqë siç tha nuk kishte interesim që të procedohet me buxhetin e miratuar sot nga Qeveria.
“Çështja e dytë që e kam ngritur është që nëse mund të gjejmë një rrugë përpara me dakordim të partive për procedim të buxhetit dhe Planit të Rritjes. Sa më shumë që të kemi vonesa, ne mund të humbasim qasje në ato fonde. Nuk kishte gatishmëri nga një numër i madh për procedim të buxhetit, megjithatë unë propozova të shiqojmë mundësitë e tjera kushtetuese dhe një prej tyre është zgjatja buxhetore, pra që nuk është buxhet i ri, por zgjatje e buxhetit të vjetër në mënyrë që deri më 31 mars 2026, qytetarët të mos përballen me një situatë ku s’kanë paga e mirëqenie”, ka deklaruar Osmani.
Ajo tha se nga partitë kishte shqetësime rreth procedura, për çka tha se do të marrë vetë këtë detyrim që si Presidente ta çojë edhe këtë si ligj në Kuvend bashkë me Planin e Rritjes.
“Kishte shqetësime rreth procedurave, ndaj propozova që të nëse nuk propozohen si nisma legjislative nga qeveria, atë detyrim ta marr unë si Presidente dhe t’i procedoj edhe zgjatjen buxhetore dhe Planin e Rritjes si ligje në Kuvend. Një gjë e tillë njihet si e drejtë e Presidentes. Nga disa u shqyrtua, do të jem në kontakt me partitë ditët në vijim”, zbuloi Osmani.
