Kryetari i Aleancës për Ardhmërinë e Kosovës, Ramush Haradinaj, ka përkujtuar heronjtë Afrim Zhitia dhe Fahri Fazliu në 36-vjetorin e rënies së tyre.
Përmes një postimi në Facebook, Haradinaj ka shkruar se këta dëshmorë u mbuluan me lavdi të përjetshme duke mbrojtur idealin e lirisë së atdheut dhe se vepra e tyre frymëzoi brezat që çuan drejt çlirimit të vendit.
“Vepra e tyre qëndron e përjetësuar në thelbin e lirisë dhe shtetit të Kosovës. Lavdi e përjetshme!”, ka shkruar Haradinaj.
Postimi i plotë:
Heronjtë e kombit, Afrim Zhitia dhe Fahri Fazliu, u mbuluan me lavdi të përjetshme 36 vjet më parë, duke e mbrojtur me guxim të palëkundur idealin për lirinë e atdheut.
Me veprën e tyre motivuan brezat që në fundshekullin e kaluar t’i japin fund robërisë përmes luftës sonë çlirimtare.
Vepra e tyre qëndron e përjetësuar në thelbin e lirisë dhe shtetit të Kosovës.
Lavdi e përjetshme!
