Kryetari i PDK’së, Memli Krasniqi, ka vizituar familjet e ish-presidentit Hashim Thaçi, Kadri Veselit dhe Jakup Krasniqit, në pësëvjetorin e shkuarjes së tyre në Hagë, shkruan Reporteri.net.
Krasniqi ka thënë se uron që procesi ndaj ish-krerëve të UÇK’së të përfundojë sa më shpejt me lirimin e tyre.
Ai ka deklaruar se familjes Thaçi, Veseli, Krasniqi dhe Selimi kanë shumë më tepër arsye për të qenë krenare për bijtë e tyre.
“Familjet Thaçi, Veseli, Krasniqi e Selimi, megjithatë, kanë shumë më tepër arsye për të qenë krenare për bijtë e tyre, sepse ata u takojnë të gjithëve, e mbi të gjitha, Kosovës. Ata ishin bashkë në luftë, bashkë në ndërtimin e shtetit, dhe sot janë bashkë në përballjen me padrejtësinë, me të njëjtin dinjitet që i ka përcjellë gjithmonë. Urojmë që ky proces, i dalë prej binarëve të drejtësisë dhe arsyes, të përfundojë sa më shpejt me verdiktin që e presim të gjithë, lirinë e çlirimtarëve, që ata të kthehen te familjet dhe te populli i tyre. Kosova ju pret!”, ka shkruar Krasniqi, krahas fotove që ka publikuar./Reporteri.net
