Kryetari i Lëvizjes Vetëvendosje, Albin Kurti, si partia e cila doli e para në zgjedhjet e 9 shkurtit nuk arriti t’i marrë votat e nevojshme për postin e kryeminsitrit në raundin e parë të votimit.
Pas këtij votimi, LVV-ja propozoi Glauk Konjufcën, emër i cili u mandatua nga Presidentja Osmani.
A pritet Konjufca t’i sigurojë votat e nevojshme për të marrë postin e Kryeministrit?
Në lidhje me këtë çështje ka folur politikani dhe zyrtari i lartë i PDK-së, Xhavit Haliti.
Haliti tha se sipas deklarimit publik të partive opozitare dhe eksponentëve të tyre, Konjufca e ka të kotë sepse nuk do të votohet.
Sipas Halitit as Kurti nuk dëshiron që të arrihet koalicioni me Kryeministër Konjufcën.
I njëjti tha se zgjedhjet janë të pashmangshme.
“Sipas deklarimit publik të partive opozitare si dhe eksponentëve të tyre, Glauku e ka të kotë sepse nuk do votohet.Sipas vendimit të Presidentes, Glauku i ka 10 ditë afat, për të bërë përpjekje që ti bëjë votat.Megjithate ai e ka një shans që njëra nga partitë mund të levizë nga pozicionimi, që mos të votohet Glauku. Kam përshtypje që po negociohet. Nëse nuk arrin marrëveshje vendi shkon në zgjedhje. Besoj që as Albini nuk ka dëshirë që të arrihet koalicioni me Kryeminister Konjufca. Mendoj që zgjedhjet janë të pashmangëshme” deklaroi Haliti në përgjigjen e dhënë për “Gazeta Blic”.
