I ftuari i radhës në Blic Interview me Astrit Gashin është gazetari, Vehbi Kajtazi.
Kajtazi ka folur në lidhje me raundin e dytë të zgjedhjeve që pritet të mbahet nesër, balotazhin dhe propozimin e Glauk Konjufcës i mandatar.
Ai duke folur për mandatarin Konjufca tha se do të kishte dashur të ishte Kryeministër pasi të njëjtin e njeh personalisht por se nuk beson se do të ndodhë diçka e tillë.
Kajtazi potencoi se ‘Glauk Konjufca është njeri më i miri në Vetëvendosje dhe s’e do të kishte qenë një Kryeministër i mirë’.
“Kisha dasht që Glauku të bëhet Kryeministër, por nuk besoj. Kisha dasht sepse Glauk Konjufca është mbase më i miri në Vetëvendosje, është njeri i mirë sepse e njoh personalisht, është i pakorruptuar deri tash, nuk ka dhënë asnjë indicje që ky njeri mund të përfshihet në afera korruptive… dhe unë mendoj se do të kishte qenë një Kryeministër i mirë me kusht që ministrat t’ i zgjidhte vetë. Tani zoti Kurti me gjasë vetëm e ka propozu duke e dit që nuk votohet per Kryeministër dhe ka vendos të njëjtin kabinet që e ka përzgjedh ai përfshirë Dimal Bashën, Ministër të Infrastrukturës. Megjithatë unë edhe në diskutime të tjera kam insistu se mbase është dasht që partitë tjera me fol nëse kanë ofertë me Glauk konjufcën në mënyrë që ndoshta të merren vesh për Presidentin që Presidenti të jetë o konsensual o më i afërt me opozitën. Të votohet buxheti, të kryhet reforme zgjedhore, t’i mundësohet Nismës që t’i plotësohet kërkesa e saj që të ulet pragu zgjedhor në 3%. Si duket nuk kanë vullnet aprtitë e tjera për t’a votuar zotin Konjufca, kanë të drejtë për mos me e votu, se nuk ka ndodh ndonjëherë me ardhë dikush me t’a porpozu një kandidat dhe me thënë “ky është, votoni”. Këto votime ndodhin me marrëveshje politike por fakti që Kurti po e bën në këtë mënyrë, llogaritet se kurdo që mbahen zgjedhjet do të fitojë më shumë duke u viktimizuar se …”qe edhe njeriun më të mirë, më të pranueshëm të Vetëvendosjes, këta nuk e deshën për Kryeministër” deklaroi Kajtazi raporton “Gazeta Blic”.
Ai tha se janë disa njerëz nga kabineti qeveritar i propozuar nga Kurti, të cilët nuk do të duhej të ishin në kabinetin Konjufca.
“Janë disa njerëz që nuk ishte dasht me qenë pjesë e kabinetit të Glauk Konjufcës sepse nuk shkojnë me të, me personalitetin dhe profilin e tij. Ke aty njerëz të propozuar të cilët kanë qenë të përfshirë në afera të mëdah korruptive, ke aty të propozuar Dimal Bashën, një politikan skandaloz i cili me të ashtuquajturin punim shkencor e kane trondit këtë vend. Ke aty të tjerë që konsideroj se janë të paaftë për t’a kryer atë punë dhe kur propozon një kabinet qeveritar, veçanarisht në këto kushte kur t’i nuk i ke votat, do të duhej të propozoje njerëz që edhe nëse nuk i kishin votu, kishin thënë …”shumë keq që nuk i votuan sepse pernjëmend janë të mirë” tha Kajtazi në Blic Interview raporton “Gazeta Blic”.
